Madaxweynaha Koonfur Galbeed Cabdicasiis Xasan Maxamed Laftagareen ayaa ka hadlay qodob dhaliyey muran siyaasadeed oo ku saabsan sharcinnimada muddo hal sano ah oo horey loogu daray muddo-xileedkiisa.

Siyaasiyiinta mucaaradka ayaa ku doodaya in muddo xileedkiisu ay dhammaatay 19-kii Diisambar, hase yeeshee waxa uu sheegay inay arrintaasi u taallo baarlamaanka maamul goboleedka Koonfur Galbeed.

Hadalkan ayuu ka jeediyey munaasabad lagu xusayey sannadguurada afraad ee markii xilkaas loo doortay.